Астана әкімдігі елордалық студенттердің оқу мерзімін қысқартуды ұсынды.
Өйткені студенттер ЭКСПО көрмесіне жұмысқа жұмылдырылмақ, ал жатақханадағы орындары қонақтары керек болып тұр екен деп хабарлады Іnformburo.kz.
„Қазір қаладағы 7,3 мың орынды қамтитын жоғары оқу орындардың 17 жатақханасы нысанға алынды. Бұл орындарды білім ордалары 2017 жылдың 10 маусымына дейін дайындап, босатып қоюы керек„ дейді Астана әкімдігіндегілер.
Әкімдіктегілер студенттер баспанасыз қалмайды, олар қонақтармен бірге жатақханада тұра береді дейді.
“Бүгінгі таңда үкіметтік деңгейде оқу процесін қысқарту мәселесі қарастырылып жатыр. Сондай-ақ біздің стдунеттер көрме өткізу кезінде волонтер ретінде тартылмақ„ дейді олар.
Жатақханада тұру құнын университеттердің өзі анықтайды, яғни одан түскен табыс сол жоғары оқу орынның бюджетіне түседі.