Ахметжан Есімов бастаған дөкейлер Астанада өткелі отырған EXPO-2017 көрмесінің миллион билетін сатып үлгерген екен.
Ал тұп-тура миллионыншы билетті өз ақшасына өз еркімен сатып алған адам – Оңтүстіктегі Қазығұрт ауылындағы жоғары оқу орнының қарапайым мұғалімі Қайрат Мамаев болып шығыпты.
Қайрат Мамаев 26 жыл бойы мұғалім болып жұмыс істеп келеді екен. Ол Шымкенттегі сауда-сауық орталықтарының біріне барып, бүкіл отбасымен EXPO-2017 көрмесін тамашалау үшін билеттер сатып алғанын айтты. Осылайша миллионыншы билетті сатып алған адам болып шығыпты.
Ал көрменің ұйымдастырушылары қазірге дейін 1 миллион 53 мың билет сатылып кеткенін мақтанышпен жеткізді. Оның 15 пайызын шетелдік азаматтар сатып алған дейді.
Экспоның миллионыншы билетін сатып алған бақытты азамат ұялы телефон, және 2017 деген әдемі санмен аяқталатын телефон нөмірін сыйлыққа алды. Оған қоса, жеңімпазға “единицасы” да, интернеті де жыл соңына дейін бітпейтін смартфон сыйлады.
https://kaz.365info.kz/aza-tar-nege-expo-k-rmesin-maza-taj-beredi-237686
Фото: NUR.KZ