Астанада жол жөндеу жұмысшыларын басынан аяғына дейін суға малшындырып кеткен 32 жастағы Lexus жүргізушісі 10 тәулікке әкімшілік қамаққа алынды. Ол көлігін шалшық судың үстімен жоғары жылдамдықпен жүргізіп, жол жиегінде жүрген жұмысшыларға су шашқан.Оқиға түсірілген видео әлеуметтік желілерде таралып, қоғамда қызу талқыланды.
Telegram желісіндегі Halyqstan арнасының хабарлауынша, жүргізуші 32 жастағы Нұржан Тохмұрзаев болып шыққан. Сот оны ұсақ бұзақылық жасағаны үшін кінәлі деп танып, 10 тәулікке әкімшілік қамаққа алу жазасын тағайындады.