Астанада туристік аудан құрылуы мүмкін
Астанада арнайы экономикалық аймақтың аумағын кеңейтіп, туристік аудан құру ұсынылып отыр. Тиісті құжат “Ашық НҚА” сайтында жарияланды.
Өнеркәсіп және құрылыс министрлігі арнайы экономикалық аймақтар мәселелеріне өзгерістер мен толықтырулар енгізетін үкімет қаулысын әзірледі.
Қаулы жобасы “Ашық НҚА” сайтында жарияланды.
“Жоба Қазақстан Республикасы премьер-министрінің бірінші орынбасары Р.В. Склярдың инвестициялар тарту жөніндегі кеңес отырысының қорытындысы бойынша әзірленді және туризм саласына инвестициялар тарту арқылы Астана қаласын жедел дамыту мақсатында Көпфункционалды туристік аудан құрылысы шеңберінде “Астана – Технополис” арнайы экономикалық аймағының аумағын кеңейтуді көздейді”, – делінген құжатта.
Айта кетерлігі, қазір арнайы экномикалық аймақтың жалпы аумағы 688,6 гектарға тең. Енді оны құрамына ауданы 157,585 гектар болатын “Көпфункционалды туристік аудан” субаймағын қосу арқылы 846,185 гектарға кеңейту ұсынылып отыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе