ҚР Денсаулық сақтау және әлеуметтік даму Министрі Тамара Дүйсенова терінің тез қартаюы ауруына шалдыққан 4 жасар баласы бар Зибенса Төлепбергеновамен кездесті.
Бұл туралы ведомствоның баспасөз қызметіне сілтеме жасап Tengrinews.kz хабарлады.
Тамара Дүйсенова Зибенса Төлепбергеноваға Ұлттық балаларды оңалту орталығында оңалту шараларын қабылдауды ұсынды.
“Сіздің ұлыңыздың денсаулығы министрліктің үнемі бақылауына алынды. Мемлекет халықтың денсаулығына басымдық бере отырып, ең алдымен, балалардың денсаулығына зор көңіл бөледі. Біз барлық медициналық көмекті көрсетеміз”, – деді министр.
Сонымен қатар, Зибенса Төлепбергеноваға жұмысқа орналасу мүмкіндіктері ұсынылды. Сонымен бірге, ҚР Денсаулық сақтау және әлеуметтік даму министрлігі Астана қаласының әкіміне Төлепбергеновтер отбасына тұрғын үй беру туралы өтініш хатын жолдады.
Баланың аллергиялық статуысына байланысты Зибенса Төлепбергенова ұлын госпитализациялаудан бас тартты. 23-қаңтардан бастап оның баласы – Ернар Әлібековке Ұлттық балаларды оңалту орталығында амбулаторлық емдеу шаралары ұйымдастырылып, үнемі динамикалық бақылауға алынатын болады.