Астанада тәрбиешілер студент қыздарды шешіндірген
Астанадағы балабақшалардың бірінде тәрбиешілер тәжірибеден өтіп жүрген студент қыздарды іш киімдеріне дейін шешіндіріп тастаған. Бөбекжай қызметкерлері “бойжеткендер 10 мың теңге ұрлады” деп күдіктенген екен.
Бұл туралы NUR.KZ хабарлайды.
Әйелдер жас қыздарды бірнеше сағат бойы бөлмеден шығармай ұстаған. Олар, тіпті, полиция қызметкерлерін де шақырмапты. Қазір студенттердің ата-анасы педагогтарды жазалауды сұрап отыр.
“Біз сөмкелерімізді терезеге, жейдемізді терезе алдына қойдық. Ол біздің заттарымызды түгел тексеріп болғанша, біз іш киімімізге дейін шешіндік”,- дейді Александра.
Студент қыздардан “ұрланған” ақшаны таппаған әйелдер оларды босатып жіберген. Ал мұны естіген ата-аналар олардың қалай тәрбиеші болып жүргенін түсіне алмай әлек.
Бұл іске қатысты балалабақша басшылығы өз жауабын берді. Олар тәрбиешінің жұмыстан шығарылғанын айтты.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе