Астанада Қазақстанның төрағалығымен Шанхай ынтымақтастық ұйымының саммиті басталды.
Саммитке Қазақстан, Иран, Қытай, Қырғызстан, Пәкістан, Ресей, Тәжікстан, Өзбекстан, Беларусь, Моңғолия, Әзірбайжан, Катар, Түркия және Түрікменстанның мемлекет және үкімет басшылары, Рас әл-Хайма әмірі (БАӘ), Үндістанның сыртқы істер министрі, сондай-ақ ШЫҰ бас хатшысы және ШЫҰ аймақтық терроризмге қарсы құрылымы атқарушы комитетінің директоры қатысып жатыр.
Мемлекет басшылары кеңесінің отырысы барысында Астана декларациясы, 20 шешім, мемлекет басшыларының 3 мәлімдемесі, соның ішінде «Әділетті бейбітшілік, келісім және даму үшін әлемдік бірлік туралы» бастамасы, «ШЫҰ-ны жетілдіру», Беларусь Республикасын ШЫҰ-ға мүшелікке қабылдау және оған ШЫҰ-ға мүше мемлекет мәртебесін беру рәсімін аяқтау туралы шешім қабылданады.
ШЫҰ плюс отырысы «Әділ әлем, келісім мен даму үшін әлемдік бірлік туралы» тақырыбында кеңейтілген құрамда өтеді.
Шанхай ынтымақтастық ұйымының саммиті тікелей эфирде көрсетіледі. Бұл туралы ақпарат Telegram-дағы ТРК Президента арнасында жарияланды.
Астанада өтетін Шанхай ынтымақтастық ұйымының саммиті бүгін, 4 шілдеде республикалық телеарналардың бірінде тілкелей эфирде көрсетіледі.
Тікелей эфир сағат 10:00-де Silk Way телеарнасында көрсетіледі. Сондай-ақ онлайн-трансляция Youtube-тегі Jibek Joly news арнасында жүргізіледі.