Астанада Шанхай базарынан табылған бүлдіршін балалар үйіне өткізілуі мүмкін
Астананың «Көк базарында» 7 күн бұрын табылған бүлдіршіннің ата-анасы әлі табылмай жатыр.
Бұл туралы елордадағы Жасөспірімдерді бейімдеу орталығына хабарласқанымызда мекеме психологы Жанар Жұмажанова мәлім етті деп хабарлады ҚазАқпарат.
«Баланың жағдайы жақсы, қарыны тоқ. Дәрігерлер бүлдіршінді қарап, денсаулығынан кінәрат таппады, сап-сау. Мама, папа дегенге ғана тілі келеді. Өзін Алек деп атайды. Ұлтын дөп басып айту қиындау, аралас некеден туған балаға ұқсайды», – дейді Жанар Жұмажанова.
Бүлдіршінді 10 қыркүйек күні «Көк базарда» (Шанхай) жалғыз жүрген жерінен екі әйел адам тауып алған. Кейін оны елордадағы Балалар үйіне әкеліп тапсырған. Ондағылар Алматы ауданының ІІБ инспекторларын шақыртып, сақшылар баланы осында – Жасөспірімдерді бейімдеу орталығына жеткізген.
Баланың ата-анасы іздестіріліп жатыр. Бұған дейін әлеуметтік желілерде хабарлама таратылды. Әзірге еш нәтиже жоқ.
Серіктестер жаңалықтары
© «365 Info», 2014–2023 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз