Астанада оқушылар сыныптасын жабылып ұрып, мазақ қылған

Астанада Ыбырай Алтынсарин атындағы №83 мектеп-гимназиясының оқушылары қатарластарына жабылып буллинг жасап, оны видеоға түсірген.

Видео астындағы жазбада 9-сынып оқушыларының өз құрдастарын үнемі ұрып-соғатыны жазылған.

«Оқушылар тобы үнемі басқа оқушыларды қорқытып, ұрып-соғып, мазақ қылған. Бұл ретте жаппай жабылатындардың құрамында шамамен 15 адам болған. Оқытушылар құрамы, меңгерушілер мен директор бұл жайтты білсе де, ешқандай шара қолданбайды деген ақпарат бар», – делінген хабарламада.