Бас прокурордың орынбасары Андрей Кравченко Астанадағы қызды зорламақ болды деген күдіктіні ұрып-соққандардың жазалануы мүмкін екенін мәлімдеді, – деп хабарлайды Tengrinews.kz.
“Тексеру дегеніміз қылмыстық іс қозғалды дегенді білдірмейді. Ұсталған ер адам белгілі бір кезеңде қоғамдық қауіпсіздіктің сол деңгейінде ұстағандарды ұсталған сәтте күш қолданды деп айыптаса, қылмыстық іс қозғалады. Тергеу Қылмыстық-процесстік кодекстің аясында өтеді. Ешкім ешкімді жауапқа тартпайды. Бұл тергеу аясында және сот аясында қарастырылады”, – деді Кравченко Мәжілістің үзілісінде журналистердің сұрағына жауап бере отырып.