Астанада кассаны тонағандар ақшасының жартысын жолда шашып алды (видео)
Астанада бетперде киген екеу шағын несиелік ұйымның кассасын тонады.
Елордалық полицейлер шағын несие ұйымына қарақшылық шабуыл жасаған күдіктілерді ізін суытпай тапты, деп хабарлайды ҚазАқпарат.
Астана қалалық ІІД баспасөз қызметінің хабарлауынша, бұл оқиға 29 желтоқсан күні 19:00 шамасында Бөгенбай батыр даңғылында орналасқан шағын несие ұйымдарының бірінде болған.
“Медициналық маска киген екі адам баса көктеп кірген. Олар пышақпен және қаруға ұқсайтын затпен қоқан-лоққы жасап, кассадан 500 мың теңгедей ақшаны қолды қылған. Осы факті сотқа дейінгі тергеп-тексеру тізіліміне ҚР Қылмыстық кодексінің 192-бабымен, яғни «Қарақшылық» бойынша тіркелді”, – дейді Астана ІІД-дегілер.
Кейбір дерек көз бойынша, ұрылар жолда біраз ақшасын шашып алған. Оны жинаған адамдар ақшаны тоналған кассаға апарып беріпті.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе