Елордада Қабанбай батыр және Орынбор көшелерінің қиылысы уақытша жабылады.
Бұл туралы Астана қалалық әкімдіктің сайтында хабарланды.
«Астана қаласының Автомобиль жолдары басқармасы Достық көшесінен 26 көшесіне дейінгі учаскеде Қабанбай батыр даңғылын қайта жаңарту» жобасын іске асыру шеңберінде Қабанбай батыр және Орынбор (Сығанақ) көшелерінің қиылысында инженерлік желілерді салу жұмыстарын бастау жоспарланып отыр.
Осыған орай, үстіміздегі жылдың мамыр айының 10-нан 15-не дейінгі мерзімде аталған учаскеде көліктердің қозғалысы тоқтатылады», – деп хабарлайды қала әкімдігінің сайты.
Елорда тұрғындары осы қиылыстағы жөндеу жұмыстарына байланысты жол қозғалысы бағыттарын алдын ала жоспарлауы қажет.