Астанада бойжеткен 21 қабаттан құлап, мерт болды

Астанада 20 жастағы қыз көпқабатты үйдің терезесінен құлап, мерт болды.

Бұл туралы Астана қалалық ІІД баспасөз қызметі хабарлады.

“Бауыржан Момышұлы даңғылында бір қыздың денесі жатқаны туралы полицияға 3-мамырда шамамен сағат 19.30-да хабарлама келіп түсті. Қыздың аты-жөні анықталды, оның 1997 жылғы екені белгілі болды. Бұл дерек ҚР Қылмыстық кодексінің 105-бабы бойынша (“Өзiн-өзi өлтiруге дейiн жеткiзу”) тіркелді. Сот-медициналық сараптамалар тағайындалды. Тергеу жүргізіліп жатыр”, – деді Астана қалалық ІІД ресми өкілі Софья Қылышбекова.