«Астан-кестеңі шығады». Саясаттанушы Путиннің тақтан таюына қанша күн қалғанын айтты?

Соңғы кездері Кремльге қатты шүйлігіп бұл кісі. Путиннің ақыры жақын қалғанын айтуда. Ресей ыдырап тынады. Енді алты айдан кейін жер бетіндегі жағдай күрт өзгереді. Саясаттанушы Әзімбай Ғали осындай ой білдіріпті. Бұл туралы ол әлеуметтік желідегі парақшасында жазған екен. 

180 күннің ішінде Ресейдің астан-кестеңі шығады. Бізде де жаңа кезең басталады.

Жарты жылдың ішінде Ресейдегі жағдай күрт өзгереді.

АҚШ пен Батыс мемлекеттерінің санкциялары және ішкі экономикалық, қаржылық дағдарыс Ресейдің түбіне жетеді.

Жалаулатып-алаулатып Ресей орысы көшеге шығып, Путинді құлатып тынады.

Енді билікке талас басталады. Ресей біраз бұлғақтап, аласұрып түбінде Батыстың айтқанына көнеді. Жеңілген Ресейді Батыс өткен жолдағыдай аямайды да, Ресейді толық территориялық ыдыратады.

Қазақстандағы жағдай қалай өзгереді?

1.Нұреке өзін жақсы кризис-менджер ретінде көрсетеді, бірақ тұрмыс деңгейіміз төмендейді.

2. Алғашқы үш айда Қазақстанның саясаты аса «айқын байқалмайды». Іс жүзінде Қазақстан Батыс-АҚШ пен ЕО, НАТО жағына айқын шығады.Қазақстан ЕВРАЗЭСтен шықпақ болады, ОДКБ жиналыстарына барғанды қояды

3.Қазақстанда осы жылдың аяғында мемлекеттік тілдің рөлі өседі, ағылшын тілі өрлей бастайды.

5. Ресей бірнеше мемлекет болып бөлінеді де, Қазақстан Ресейдей көкесінен айырылады.

Ресейдің күйреуі біздің саясаттың өзгеруіне әкеледі.

Сонымен Ресейдің рөлі төмендеп, енді Батыс елдерінің жетегіне өтеміз.

6.Орыс тілі Қазақстан үшін маңызды тілдер қатарынан шығады. Демократиялану Қазақстан үшін мақсат, бізге қойылған басты талап ретінде болады.

7.Ресей де, Қазақстан да келе-келе НАТО мен ЕВРопалық Одаққа кіреді.

Сіз қалай ойлайсыз, саясаттанушың болжамы шындыққа айналуы мүмкін бе? Ресейдің қазіргі хал-жағдайынан хабардар оқырман Әзімбай Ғалидің сөзінде мысқалдай болса да, шындыққа айналуы мүмкін ұшқын жатқанын аңғаруы тиіс.

Айта кетсек…

Бұдан бұрын сайтымызға сұхбат берген танымал экономист Әлихан Қанапия Ресейге салынған соңғы санкцияның ерекшелігін тілге тиек еткен.

«Жаңа санкцияның талабы бойынша әлемдегі барлық қаржы институттары 180 күннің ішінде Ресей шенеуніктерінің шетелдегі жасырын барлық мал-мүліктерінің тізімін жария етуі тиіс. Одан кейін не болады дейсіз ғой. Кезінде, Муамар Каддафиге, Саддам Хүсейінге жасалған секілді АҚШ сол мал-мүліктің барлығын тәркілеуге қол қоюы мүмкін.

Сол кезде Ресейдіңі саясаты болсын, экономикасы болсын, барлық жағдай мүлдем өзгеріп кетуі мүмкін. Осы өзгеріс қазір көпті тыпыршытып отырғаны…» деген еді сарапшы.