Ашхабадтағы Халықаралық түркімен-түрік университеті жабылды
Түркіменстан президентінің арнайы нұсқауы бойынша, түркімен-түрік университеті жабылып, оның орнына Оғызхан атындағы Технологиялық университеті құрылды, деп хабарлады Азаттық радиосының Түркімен қызметі.
Хабарларға қарағанда, университет студенттері елдегі басқа да жоғарғы оқу орындарына ауыстырылған. Оқу мекемесінің жабылу себебі туралы ештеме айтылмады. Жыл сайын түркімен-түрік университеті 200-ден астам студент қабылдап келген.
16 шілдеде Түркияда сәтсіз әскери төңкерістен соң ел президенті Режеп Тайып Эрдоған бүлікті дін уағыздаушы Фетхуллах Гүлен ұйымдастырды деп мәлімдеді. 1999 жылдан бері Құрама Штаттарды паналап жүрген Гүленнің “Қызмет” қозғалысы 2016 жылы мамырда Түркияда террорлық ұйым деп жарияланды.
Түркия билігі “Қызмет” қозғалысының миллиондаған жақтастары бар және әлемнің 150 елінде мыңдаған білім мекемелерін қаржыландырады деп есептейді. Ресми Анкара басқа да елдерді Гүленмен байланысы бар білім мекемелерін жабуға шақырды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе