Арқалықта жас жұбайлар асылып қалды

8 мамыр 2017, 11:30

Жас жұбайлар “Дене шынықтыру” мамандығы бойынша білім алып, мұғалім болуды арман еткен. Екеуі де колледждегі белсенді студенттер. Индира – волейболшы, Мұстафа – футболшы. Екеуінің де алған жүлделері мен грамоталары жетерлік. Бір сөзбен айтқанда, өмірлері жарқын еді. Ал қайғылы оқиға орын алған күні Индираның бауыры әскерден оралуы керек болыпты. Олар соны асыға күтіп жүрген.

– 29-сәуірде колледж қабырғасында облыстық семинар өтіп, олар ашық сабаққа белсенді қатысты. Көңілдерінен қаяу, қабақтарынан кірбің байқалмаған. Біз әлі сене алар емеспіз. Полиция өз-өзіне қол салу фактісі бойынша іс қозғады, ал бізге ешнәрсе айтпады, – дейді Торғай гуманитарлық колледжінің директоры Сандуғаш Алматова.

Сотқа дейінгі тергеу ісіне қатысты сараптама тағайындалған.