Арбада отырған адам Қара теңізге батып бара жатқан жігітті құтқарып қалды

Анапада парадайвер Никита Ванков Қара теңіздегі екі демалушыға батып бара жатқан адамды құтқаруға көмектесті. Болған оқиғаны куәгерлер видеоға түсіріп алған.

Оқиға дүйсенбіде, 5 қазан күні, Қара теңіздің  жағалауында, Анапа шығанағының 28-ші айлағында болды. Желіге жарияланған видео кадрларынан арбадағы адамның пирстен суға қарай секіріп, суға батып бара жатқан адамды құтқарып, катердің бортына апарғанын көруге болады.

«Мен алыстан қайықты көріп, «көмектесіңдер» деп айқайлап, арнайы белгіні көрсеттім. Алып шықтық. Жігіттер оны ұзақ уақыт бойы құтқаруға тырысқан екен, ал біреуінің аяғы құрыса бастаған. Дереу көмек көрсетілмесе тағы біреуі батып кетер еді», —деді Ванков.