Араб елінің министрі мұнай бағасына қатысты өз болжамын айтты
Бүгін Астанада өткен энергетика жөніндегі VIII Халықаралық форумына Сауд Арабиясының энергетика министрі Халид әл-Фалих қатысты.
Шарадан кейінгі баспасөз мәслихатында әл-Халид мырза мұнай бағасына қатысты сұраққа жауап берді, деп хабарлайды ҚазАқпарат.
«Енді, мұнай бағасының нақты бағасын болжау қиын. Себебі оған көптеген фактор әсер етеді. Бұдан бөлек, геосаяси және макроэкономикалық себептер тағы бар. Дегенмен, біз министрлер деңгейінде осы мәселеге әсер ете аламыз. Қазір негізгі мақсат – мұнай саласындағы тепе-теңдікті сақтау. Себебі мұнайдан түсетін қаржы бір аймақта шоғырланса, тұрақсыздық болады. Ондайға жол бермеу керек. Сосын ұсыныс пен сұраныстың арасында теңдік болуы тиіс. Сонда мұнайдың бағасы да өзгереді.
Дегенмен, алдағы уақытта мұнайдың бағасы үш мәнді санға жетеді деп айта алмаймын.
Себебі ұсыныс сұраныстан басым болады», – дейді Халид әл-Фалих.
Айта кетейік, бүгін ЭКСПО-2017 көрмесі аясында энергетика жөніндегі VIII Халықаралық форумы мен осы саладағы министрлердің кезекті конференциясы өтті.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе