Қарағанды облысында жарияланған карантин алынып тасталды
Сібір жарасына байланысты Қарағанды облысында жарияланған карантин алынып тасталды. Бұл туралы бүгін Ауыл шаруашылығы министрлігі ветеринарлық бақылау және қадағалау комитетінің төрағасы Сақташ Хасенов мәлім етті.
«Қарағанды облысындағы карантин алынып тасталды», – деді ол Орталық коммуникациялар қызметіндегі брифингіде деп хабарлайды ҚазАқпарат.
Бұған дейін хабарланғандай, 2016 жылдың 8 маусымы мен 8 шілдесі аралығында Қазақстан бойынша 16 адам сібір жарасы дертін жұқтырған. Алматы облысында – үш адам, Шығыс Қазақстан облысында – екі адам, Қарағанды облысында сегіз адам (өкінішке қарай, екеуі қайтыс болды), Павлодар облысында үш адам осы аурумен ауырған. Аман қалған он төрт адамның сегізі қазір ауруханадан шыққан, тағы алты адам стационарда ем қабылдауда.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз