Қарағанды-Балқаш трассасында екі көлік соқтығысып, екі адам қаза тапты
Жол көлік оқиғасы дерегіне байланысты ҚР Қылмыстық кодексінің 345-бабы 4-тармағына сәйкес, сотқа дейінгі тергеу амалдары жүргізіліп жатыр.
Қарағанды-Балқаш трассасында жолаушылар автобусы мен «Газель» автокөлігі соқтағысып, апат салдарынан екі адам қаза тауып, бес адам ауруханаға жеткізілген, деп хабарлайды Baq.kz.
«Алдын ала деректер бойынша, Балқаш қаласына қарай бағыт алған «Газель» автокөлігінің жүргізушісі көлікті басқара алмай, жолдың қарсы бетіне шығып кетіп, жолаушылар автобусымен соқтығысқан. Оқиға салдарынан автобустың жүргізушісі мен «Газель» автокөлігінің жолаушысы қайтыс болды, бес адам жарақат алып, ауруханаға жеткізілді», – дейді Қарағанды облысы ішкі істер департаментінің баспасөз хатшысы Бақытжан Құдияров.
Жол көлік оқиғасы дерегіне байланысты ҚР Қылмыстық кодексінің 345-бабы 4-тармағына сәйкес, сотқа дейінгі тергеу амалдары жүргізілуде.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе