Ақтөбеде жаңа тәртіп пайда болды. Ендігі жерде аулаларынан көшеге қар шығарған жеке үйлердің тұрғындары айыппұл төлейтін болады.
Айыппұлдың көлемі де аз емес. 42 мың теңгеден асады. Әкімшіліктің бұл қылығы онсыз да көшелері қардан тазартылмайтын тұрғындардың ашуына тиді деп хабарлады 31 телеарна.
«Қайда шығарады оны? Адам қалтасына сала ма, не? Машина шақырту әркімнің қолынан келе бермейді. Ол үшін Камаз шақыру керек, погрузщик шақырту керек. Қолмен тиелмейді екі бастан. 42 000 деген тым көп қой. Бірінші адам деген жағдайды жасау керек қой. Оның үстіне қалада тұрған соң мына көшені тазарту керек қой», – дейді Қайырбек Өтенов.
Ал жергілікті әкімшілік болса, бұл жаңа талапты қардың көп мөлшерде түсуімен байланыстырады. Шенділердің айтуынша, тәртіпке бағынбай 3 ескертуге құлақ аспаған жеке үйлердің иелеріне ендігі жерде айыппұл салынады.
«Өздеріне белгіленген аумақтары бар ғой, соның алдына қар үйіліп шығарылмаған жағдайда ескерту беріледі. Содан кейін кезекті айыппұл салынатын болады», – дейді Ақтөбе қаласы әкімінің орынбасары», – дейді Нағымжан Алдияров.
Ал тұрғындарға қатысты шыққан жаңа талаптың орындалуын арнайы құрылған мобильдік топ бақылайтын болады.