Бүгін республиканың 4 өңірінде аптап ыстық сақталады
Атмосфералық фронттардың өтуіне байланысты дүйсенбіде Қазақстанның басым бөлігінде құбылмалы күн райы сақталады, кей жерлерде жаңбыр жауып, найзағай ойнайды, жел күшейеді, күндіз республиканың оңтүстігінде желмен бірге шаңды дауыл көтеріледі.
Солтүстік-батыста түнде және таңертең тұман түсіп, республиканың оңтүстік-шығысында, шығысы мен орталығында күндіз қатты ыстық болады. Оңтүстік, оңтүстік-батыста күн жауын-шашынсыз өтетіні болжануда, деп хабарлайды «Қазгидромет» РМК-ға сілтеме жасаған ҚазАқпарат.
Қостанай облысының кей жерлерінде 15-20 м/с жылдамдықтағы желдің күші 23 м/с-қа артуы мүмкін, түнде және таңертең тұман болады.
Ақмола, Қарағанды, Жамбыл, Алматы облыстарының кей жерлерінде жел 15-20 м/с болады. Павлодар, Ақтөбе облыстарының кей аумақтарында найзағай ойнап, 18 м/с жылдамдықта жел тұрады. Күндіз
Қызылорда, Шығыс Қазақстан облыстарының жекелеген бөліктерінде желдің екпіні 15-20 м/с күшейеді. Күндіз Ақтөбе, Қызылорда, Оңтүстік Қазақстан, Жамбыл, Қарағанды, Шығыс Қазақстан облыстарының жекелеген аумақтарында жоғары өрт қаупі сақталады.
Күндіз Алматы, Жамбыл облыстарында, Қарағанды, Шығыс Қазақстан облыстарының кей жерлерінде қатты ыстық болады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе