Пара алды деген айыппен ҚР Қаржы министрлігі Мемлекеттік кірістер комитеті өндірістік емес төлемдер басқармасының бас сарапшысы ұсталды.
Бұл туралы ҚР сыбайлас жемқорлыққа қарсы іс-қимыл ұлттық бюросының Алматы облыстық департаментінің баспасөз қызметі хабарлады.
«ҚР Қаржы министрлігі Мемлекеттік кірістер комитеті өндірістік емес төлемдер басқармасының бас сарапшысы Р. Жұмабаевтың Қапшағай қаласы аумағында орналасқан ойынхана қызметіне заңсыз қамқорлық жасап, салықтық тексерулер жүргізбеу үшін олардың қожайындарынан жүйелі түрде пара алғандығы анықталды. Жұмабаев делдал ретінде өзінің ұлы Уданов арқылы Қапшағай қаласындағы «ІнжуКZказино ХО» өкілінен 5 мың АҚШ доллары сомасында кезекті пара алу кезінде ұсталды», – делінген алдын ала таратылған хабарламада.
Сотқа дейінгі тергеу амалдары жүргізілуде.