Әншілер киноиндустрияға ауыз сала бастады
Əнші Ринат пен Сивидің “Соқыр махаббат” деген кино түсіріп, оған ақымақтау жарнама жасағанына күліп отыр едім Серік Абас-шах телефон шалды.
– Арман аттасыңның кино премьерасына барып қайттым.
– Қалай екен?
– Ммм,болады енді…”Оралман из Питера” деп аталады.
– Арман Дүйсенов рөлде ойнайтын шығар?
– Нуу…рөлде де ойнайды. Өзі фильмнің продюсері!
Телефонды қойып, ойланып қалғаным.Телекеңістікті жаулаған əншілеріміз енді киноиндустрияға ауыз сала бастады. Мүмкін мен қателесіп жүрмін? Біздің əншілер шынымен де əмбебап шығар?
– Ата!-дейді ентігін баса алмай, – Мен киноға кастингке барып өте алмай қалдым…
– Ештеңе етпейді, – деймін оны жұбатып, – Əлі талай киноға түсесің. Қандай кино екен?
– Əнші Беркут түсіреді екен! “Заложники” деген…
Əне, əншілеріміз əмбебап дедім ғой əзірде. Жəне де ондай əншілер біздің қазақта ғана бар!
Арман Сқабылұлы
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе