«Той – халықтың қазынасы», деуші еді атам қазақ. Бірақ соңғы кезде оған да шектеу қойыла бастаған сыңайлы. Мәселен, осыдан біраз бұрын, былтыр билікке қолы жеткен өзбек президенті Шавкат Мирзияев тойды көл-көсір салтанатқа айналдыруға, ондай салтанаттарға шенеуніктердің баруына тыйым салса, енді қырғыздар да той өткізуге шектеу қоюға кірісіпті.
Сонда бұл не – пейілдің тарылғаны ма, әлде даңғаза дарақылыққа қарсы күрес пе?
Жақында Қырғызстанның бұрынғы мәдениет министрі Түгелбай Қазақов халықтың той өткізу мерзімін 3 сағатқа дейін қысқартуды және салтанатты шараларға жұмсалатын шығынды шектеуді ұсынды. Алайда той өткізу «форматын» өзгерту үшін алдымен салтанаттарды өткізудің ережесін дайындау қажет.
Қырғызстанда «Той және несие – салтанатты сәтті өткізудің және жүрек талмасына ұрынбаудың жолдары» тақырыбындағы дөңгелек үстел мәжілісі өтті, деп хабарлайды Sputnik.kg.
Бұдан біраз бұрын Жогорку Кеңеш салтанаттарды өткізуге шектеулер енгізуге бағытталған заң жобасын талқылаудан және қабылдаудан бас тартқан еді.
Аталмыш шараға Қырғыз Республикасының халық депутаттары, ҚР Жогорку Кеңеш депутаты Эміл Тоқтошев, бұрынғы мәдениет министрі Түгелбай Қазақов және басқа да қоғам қайраткерлері қатысты.
https://kaz.365info.kz/balasy-zhokhtar-khazakhtar-toj-tomalakhkha-kimdi-shakhyrmagan-296678
Экс-министр Қазақов той өткізу мерзімін 3 сағатқа дейін қысқартуды ұсынды, бірақ ол «форматты» өзгерту үшін, белгілі бір ереже дайындау қажет екенін алға тартты.
«Біріншіден, қонақтарға кешігуге болмайды. Кешіккен қонақтардың кесірінен салтанатты шара бір-екі сағат кеш басталып жатады, бұл салтанат себепкерлері мен басқа қонақтарды құрметтемеудің көрсеткіші.
Жалпы, тойды 3 сағатта өткізуге болады.
Екіншіден,
Басқа халықтардан қабылданған кейбір дәстүрлерден бас тартқан жөн», — деп, мәлімдеді экс-министр
Ал Эміл Тоқтошев, өз кезегінде, Жогорку Кеңештің тойға шақырылатын қонақтар санын шектеу және салтанаттың бюджетін қысқарту туралы заң жобасын неге қабылдамағаны туралы айтты.
https://kaz.365info.kz/kele-almadykh-shymkentte-yjlenu-tojy-zhas-zhybajlarsyz-otti-270288
«Заң жобасында тойға 150 адамнан артық шақырылмасын деген талап бар болатын.
Өкінішке қарай,
кейбір депутаттар ондай заңның қабылдануына мүдделі емес. Өйткені олардың өз тойханалары бар. Сондықтан ондай шектеулердің енгізілуі олар үшін тиімді емес»,
— деді жағдайды түсіндірген халық қалаулысы.
Дегенмен ол мұндай құжаттың қабылдануы үшін тағы да Жогорку Кеңеште бастама көтеруге дайын екенін айтты.
https://kaz.365info.kz/aza-ty-tojy-myna-apadan-lgi-aly-yzdar-video-240717
Той өткізуге шектеулер енгізу туралы заң жобасын қабылдау жөніндегі бастаманы қазір депутаттық өкілеттігін тоқтатқан Аида Салянова бастаған депутаттар тобы көтерген. Бұл бастаманы 42 халық қалаулысы қолдаса, 70 депутат қарсы шығып, нәтижесінде, құжат қабылданбай қалған.