Анасы мен баласын суицидке итермеледі деп айыпталған полицейлердің тағдыры шешілді

Ақтауда қызымен бірге 3-ші қабаттан секіріп кеткен әйел болған жайтқа өзі кінәлі боп шықты. Баламыз екеумізді тергеушілер өлімге итермеледі деген келіншектің о баста айтқанын сот жала деп тауып, шымкенттік полицейлер сот залынан босатылды.

Бұл туралы КТК арнасы хабарлайды.

Ана мен баланың терезеден секіріп кеткенін естіген жұрт бастапқыда әйелді жақтап шыққан болатын. Тергеушілер күмән тудырып, іске прокурорлар араласқан. Алайда, 7 ай бойы тергелген атышулы оқиға мүлде басқа қырынан ашылды. Сөйтсе, қызының өмірін қатерге тіккен келіншек бірнеше мәрте ұрлық жасап, іздеуде жүрген екен. Ал полицейлердің қолына түскенде, мынадай әрекетке барған. Онымен қоймай, күш көрсетті деп шымкенттік тергеушілерге жала жауыпты.