Америка 6 мың қазақ баласын асырап алған
Шетел азаматтары асырап алған балалардың жағдайын жыл сайын тексеріп тұруға консулдардың уақыты жетпейді. Мысалы, Америкада 6 мың қазақ баласы бар. Сыртқы істер министрі Ерлан Ыдырысов АҚШ-тағы 1-2 консулдың әр балаға барып тұруға мүмкіндігі жоғын мойындады.
Бұл туралы 31 арна хабарлады.
Сондықтан министрлік қандастарымыздың халі жөнінде мәлемет беріп отыратын сондағы агенттіктер есебіне сенуге мәжбүр. Ал Америкада қазақстандық екі баланы ерлі-зайыпты ұзақ уақыт қамауда ұстап, зорлық көрсеткенінен кейін бала беруге тыйым салынған. Алпауыт елден 6 мың бала жайында ақпарат алу да қиын болып тұр. Сондықтан министрлік балалар туралы толық ақпарат қолға тимейінше, АҚШ-қа бала бермейміз деп отыр. Ал бес жыл бұрын дәл осы елде жоғалған бала туралы сұраған журналистерге министр қатқыл жауап қатты.
Ерлан Ыдырысов, ҚР Сыртқы істер министрі:
– Кейбір жайттардың анық-қанығын білмеймін. Барлығын бақылай алмаймыз ғой. Сондықтан да Америкаға қатысты деректерді әлі де тексеру керек.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз