Алматының Сейфуллин көшесіндегі тергеу изоляторы жабылды

Бұл мекемеде жазасын өтеп отырған барлық тұтқындар заманауи технологиялармен жабдықталған №18 мекеменің жаңа ғимаратына көшіріледі.

30-шы жылдарда тұрғызылған №1 тергеу изоляторы көптен бері тұтқындарды ұстау нормалары мен талаптарына сай келмей жүрген.

№18 тергеу изоляторы тергеу істерін жүргізуге қажетті барлық құрылғылармен жабдықталған, сондықтан іс төрешілдік шараларынсыз жылдам тергелетін болады. Жаңа ғимаратта кездесулер үшін кабинеттер көп болады, ал тұтқынмен кездесу үшін ХҚКО-дағы сияқты талон алу жеткілікті.

Жаңа тергеу изоляторына жету де жеңілдеген. Келушілер изолятордың жанына дейін келетін үш түрлі бағыттағы автобуспен жете алады. Алматы қаласының прокуратурасы тұтқындардың жағдайын жақсартып, туыстарымен көрісуін жеңілдету үшін жұмыс істеп жатыр.