Алматының қай көшелерінде “Крис-П” радарлары тұрады?
“Крис-П” мобильді фоторадарлы кешендері апатты-қауіпті және қозғалысты қатты жылдамдықпен жүретін жерлерге қойылады.
Бұл туралы Алматы ІІД өкілдері мәлімдеді, – деп хабарлайды Tengrinews.kz.
Фоторадарлы кешендер жыл басынан бері 1 892 жол ережесін бұзғандарды түсірген, айыппұл мөлшері – 23 миллион теңге.
“Осы шаралардың арқасында біз жол ережесін бұзатындарды, яғни жолды қарсы бетіне өту – 10,5 пайызға, жаяу жүргіншілерге арналған жолақтан өту – 0,5 пайыз, қиылыстарда өтіп кету 62,8 пайызға қысқарттық. Бұл аппараттар апатты-қауіпті және жол-көлік оқиғасы көбірек тіркелетін, яғни қозғалысты қатты жылдамдықпен жүретін жерлерге қойылады”, – деді Алматы ІІД әкімшілік полиция басқармасы басшысының орынбасары Еркін Өтегенов.
“Осы жүйенің арқасында жол қозғалысын қауіпсіз етуге септігі тиді, қала көшелерінде жол апатының көрсеткіші азайды. Жыл басынан бері, “Жол қозғалысының қауіпсіздігі” автоматты ақпараттық жүйесі 334 мың әкімшілік құқық бұзушылықты тіркеді. Айыппұл мөлшері – 2 миллиард теңге. Оның көп бөлігі төленді”, – деді Өтегенов.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе