Алматылық таксимен тегін жүргісі келетіндер үшін Whatsapp-тан топ ашты

Бір айта кетерлігі, алматылықтың бұл ойын құптайтындар баршылық болып шықты. Себебі оның WhatsApp-та құрған тобы толып қалғандықтан, ол Телеграмм желісіне ауысқан.

«Мен жүргізушілер мен жаяу жүргіншілерді біріктіретін топ ашамын деп шештім. Топтың мақсаты: мүмкіндігінше жаяу жүргіншілерді тасымалдау. Жүргізуші өзімен бағыты бір жолаушыны кезіктірсе, жолдан алып кетеді. Ең басты шарт: тегін тасымалдау. Бұл ойдың сәтсіздікке ұшырауы да мүмкін. Бірақ азаматтық жауапкершілігі жоғары жандардың көп екенін білемін. Маған дейін де мұндай әрекеттер болған шығар. Бірақ қайтадан бастауға не кедергі? Бәріміз бір-бірімізге бауырмыз, адамдарға қол ұшын созуға міндеттіміз. Топқа жаяу жүргіншілер ғана емес, жүргізушілер де тіркелуі қажет. Әйтпесе, бізді таситын адам жоқ», – деп жазады ол.