«Astana Pro Team» өкілі Алексей Луценко «Алматы туры – 2017» көпкүндік тасжолдағы xалықаралық веложарысының жеңімпазы атанды. Ол жарыс жолын 3 сағат 49 минут және 52 секундта бағындырды.
– Жеңіске жеткеніміз үшін аса қуаныштымыз. Біздің ұжым бірлесе отырып, керемет жұмыс атқарды. Барлығы жоғары деңгейде өтті. Мәреге дейін бірнеше айналым қалғанда командамның арқасында басымдық танытып, алға оздым. Оларға деген шексіз алғысымды білдіремін! Біз жақсы нәтиже көрсеттік, алайда ертеңгі кезең де оңай емес, осы байрақты бәйгенің чемпионы атануға тырысатын боламыз, – деп атап өтті жарыс жеңімпазы Алексей Луценко.
Сонымен қатар Луценко «Үздік қазақстандық шабандоз» және «Жалпы классификация жеңімпазы» атағына ие болды.
Сондай-ақ «Тау кәсіби классификациясының жеңімпазы» қазақстандық Даниил Фоминыx атанса, «Спринтерлік классификация жеңімпазы» номинациясы итальяндық Альберто Чечинге берілді. Ертең айтулы доданың екінші кезеңі өтеді. Еске сала кетсек, Алексей Луценко – «Алматы туры – 2017» кәсіби xалықаралық веложарысының үш дүркін чемпионы.