Алматыда жолдан өтіп кетпек болған әйел көлік астына түсіп мерт болды

5 қазан 2018, 10:02

Әйел бағдаршамның жасыл жануын күтпей жүгіріп өтпек болады. Сол сәтте шығыс бағытта жүйткіп келе жатқан Мерседес көлігі тежегішті басып үлгермей оны қағып өтті.

Қатты соққыдан әйелдің аяғы жұлынып кеткен. Жаяу жүргінші сол жерде көз жұмды. Оқиға орнында полиция жұмыс істеді.

Қалалық ІІД баспасөз қызметінің мәліметіне сүйенсек, жыл басынан бері 1 440 жаяу жүргіншіні көлік қағып кеткен. 57 адам қаза тауып, 1 460 адам жарақат алған. Құқық қорғаушылар жол апатына көбінесе жаяу жүргінші себепкер болатынын айтады.

«Қалада «Жаяу жүргінші» шарасы өтіп жатыр. Екі күн ішінде ғана 368 адамға айыппұл салынып, ҚР ӘқбК 615-бабы бойынша 12 242 адам әкімшілік жауапкершілікке тартылды», – деді қалалық ІІД Әкімшілік полиция басқармасының басшысы Жандос Мұраталиев.