Алматыда куәгерлердің бірі банк күзетшісіне жасалған шабуыл жайлы айтып берді.
Бұл туралы Tengrinews.kz хабарлады.
“Оны аңдыған қарақшылар ол әжетханаға кіргенде, артынан барды. Сол арада оның қаруын тартып алды. Бірақ қарсылыққа ұшыраған олар банк бөлімшесінің кілтін ала алмай, тапаншаны алып, қашып кетті”, – деді куәгер. Оның айтуынша, күзетші қарақшыларға беріспей, алыса кеткен.
Банк бөлімшесінің ішінде полиция жұмыс істеп жатыр. Таяу маңдағы дүкендердің сатушылары атысты естімегенін хабарлады. Олар тонау туралы полиция келген соң бірақ білген.
Еске салайық, осыған дейін Алматыдағы банктердің біріне шабуыл жасалғаны хабарланған болатын. Белгісіз екеу күзетшінің қаруын алып кеткен. Тәртіп сақшыларының айтуынша, қазіргі уақытта қалада “Дабыл” белгісі жарияланып, ұстау операциясы жоспары жүзеге асырылып жатыр.