Алматыда банктердің біріне шабуыл жасалды.
Бұл туралы қалалық ішкі істер департаментінің өкілі Салтанат Әзірбек хабарлады.
“Бүгін 2016 жылдың 25 қазанында сағат таңғы 8:10-да Алматы қалалық ішкі істер департаменті жедел әрекет ету орталығына “Центркредит” банктің бөлімшесінің күзетшісіне шабуыл жасалды деген хабар келіп түсті. Алматының Алмалы ауданында орналасқан банк бөлімшесінің күзетшісі қолындағы қаруды белгісіз екі адам тартып алған”, – делінген хабарламада.
Қылмыскерлерді іздестіруге және ұстауға бағытталған шаралар кешені өткізіліп жатыр.