Алматыдағы атыс: жансақтау бөліміндегі соңғы полицей қайтыс болды
Бұл жөнінде Алматы қаласы ішкі істер департаментінің баспасөз қызметі хабарлады.
Жалғас Келдібаев
– Бүгін 2016 жылғы 11-тамызда таңға жуық №12 қалалық клиникалық ауруханасының жансақтау бөлімінде азамат Руслан Күлікбаевтың құқыққа қарсы әрекеттеріне тойтарыс беру кезінде ауыр жарақат алған полицей қаза болды. Дәрігерлер тәртіп сақшысының ахуалын аса ауыр деп бағалаған еді. Олар полицейден өмірін ажалдан арашалау үшін қолдан келгеннің барлығын жасады. Бірақ сұм ажал дегеніне жетті, – делінген баспасөз қызметі таратқан ақпаратта.
Полиция Ссржанты Келдібаев Жалғас Аманбайұлы 1992 жылғы 1-қыркүйекте дүниеге келген, Алматы қаласы ішкі істер департаменті жергілікті полиция қызметі жол-патруль полкінің полицейі. Ішкі істер органдарында 2014 жылдан қызмет еткен. Отбасылық жағдайы – үйленбеген.
– Алматы қаласы ішкі істер департаментінің басшылығы, Ардагерлер кеңесі және жеке құрама Жалғас Келдібаевтың қайғылы қазаға ұшырауына байланысты марқұмның туған-туыстары мен жақындарына қайғыларына ортақтасып, көңіл айтады, – делінген полиция ақапаратында.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе