Алматыда Тұңғыш Президент күніне орай «Болашағымыз бірлікте» атты V форум өтеді

Алматы «Парасат» кәсіподағы «Нұр Отан» партиясының Алматы қалалық филиалымен бірлесіп, Қазақстан кәсіподақтар федерациясының қолдауымен, Тұңғыш Президент күніне арналған жас кәсіподақ белсенділерінің «Болашағымыз-бірлікте» атты V Форумын өткізеді.

Бұл туралы «Парасат» кәсіподағының баспасөз қызметі хабарлады.

Форум Қазақ мемлекеттік қыздар педагогикалық университетінің мәжіліс залында 2017 жылдың 29-қарашасында сағат 11.00-де болады.

Форумға ҚР Тұңғыш Президентінің сыныптастары, Парламент депутатары, Білім және ғылым, мәдениет және спорт, ақпарат және коммуникация министрліктерінің, Алматы қаласының әкімдігінің өкілдері, ЖОО ректорлары шақырылған.

Олимпиада чемпиондары Ермахан Ибраимов, Бақыт Сарсекбаев жас спортшыларды жеңіске жігерлендіп сөз сөйлейді. Елбасының саясатын насихаттау мақсатында – «Рухани жаңғыру» бағдарламасын іске асыру орталығымен, Республикалық «Ustudy» тестлеу орталығы мен республикалық «Жайдарман» лигасымен меморандумдарға қол қойылады деп күтіледі.