Күдікті Е.Пучков коммерциялық банктің қызметкерімін деп танысып, дереу арада несие тіркете аламын деп сендіріп, Интернет арқылы құрбандарын тартып отырған.
Бұл туралы Алматы қаласы ішкі істер департаментінің баспасөз қызметі хабарлады.
„Бұл арада күрделі дәнеме жоқ. Ол өз құрбанын қаладағы Қызмет көрсету орталықтарының (ЦОН) бірінің алдына шақырған, сол арада өзінің үлесін алдын ала алады, содан кейін, „міне қазір нәтижесін шығарып әкелемін„ деп ішке кіріп, жоқ болады. Ол қашып кету үшін Қызмет көрсету орталығының екінші есігін пайдаланған. Осылайша ол осы жазда 20 адамды алдап, жер сипатқан.
Қазір ол қылмысын мойындап отыр. Егер осы азаматтан алданып, ақшасынан „желінген„ азаматтар болса, қаладағы Алмалы ауданының ішкі істер басқармасына немесе 254-46-12; 254-46-66; 8-702-695-12-94; 8-778-333-53-27 және 102 телефон нөмірлеріне хабарласуларыңызды сұраймыз„ – дейді Алмалы аудандық ішкі істер басқармасы криминалды полция бөлімінің бастығы Абзал Тұрғанәлі.