Алматыда көктайғақтан 75 көлік апатқа ұшырады
Ауа райының күрт өзгеруіне байланысты Алматы полициясы азаматтарды жол үстінде аса мұқият болуға шақырады.
Бұл туралы қалалық ішкі істер департаментіне сілтеме жасап, ҚазАқпарат хабарлады.
«Біз барлық жүргізушілер мен жаяу жүргіншілерді жалпыға ортақ ережелерді сақтауға шақырамыз. Қазіргі ауа райында бұл аса маңызды, әсіресе жүргізушілер қала жолдарында аса мұқият болып, көлік құралын қыс мезгіліне кешіктірмей дайындағаны жөн. Өткен түннен бері Алматыда 75 жол-көлік апаты тіркелді, 17 адам түрлі жарақат алды», – деп хабарлады Алматы ІІД жергілікті полиция қызметінің басшысы, полиция подполковнигі Жасұлан Байкенов.
Атап өткен жөн, түнде Алматыда қар жауып, таңертең қала жолдарындағы кептеліс ұлғайды. Алматы әкімдігінің ресми Instagram аккаунты түннен бері үздіксіз жүріп жатқан қар тазалау жұмыстарының видеоларын жариялады.
Көктайғақты болдырмау үшін жолдарға хлорид құмы себілуде. Күні кеше қала билігі қалың қар жауады деп ескерткен еді. Олар тұрғындарға ауа райы болжамынан үнемі хабардар болып, жұмысқа қоғамдық көлікпен баруға кеңес берді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе