Алматыда оқиға куәгерлері айтқандай, BMW жүргізушісі бағдаршамның қызыл түсіне қарамай өтіп кеткен, соның салдарынан, төрт көлік соқтығысып, бірнеше адам зардап шеккен, деп хабарлайды құқық қорғау органдарына сілтеме жасаған Sputnik Қазақстан.
Жол апаты Гоголь көшесі мен Назарбаев даңғылы қиылысында орын алған.
Сол кезде Назарбаев даңғылымен солтүстік бағытта Volkswagen Transporter келе жатқан. BMW бар жылдамдықпен Volkswagen көлігін қағып, салдарынан ол бір қырына аударылып, оңтүстік бағытта келе жатқан ВАЗ-2114 көлігін соғады.
ВАЗ-2114 Назарбаев даңғылында оңтүстік бағытта келе жатқан Hyundai Elantra көлігіне соғылған.
Жол апаты салдарынан үш адам зардап шекті – Volkswagen көлігінің екі жолаушысы және ВАЗ-2114 жолаушысы.