Алматыда ереуілге шыққан 65 автобус жүргізушісі жұмыстан шеттетілді

14 қазан 2016, 13:00

“Әлі ешкімді жұмыстан қуған жоқпыз, тек жұмыстан шеттеттік. 65 жүргізуші шеттетілді. Біз қазір материалдарды Алматы прокуратурасына жолдадық, ішкі істер департаментіне де бердік, олардың әрекетіне құқықтық бағасын берсін. Осы бағалаудың қорытындысы бойынша ары қарайғы шаралар жүргізіледі, – деді сұхбаттасушы.

– Жүргізушілер бүгін саботаж ұйымдастырды. Олар паркке кіріп, автобустарын оталдырып, шығатын есікті автобустарымен жауып тастады, сөйтіп, автобустарын сөндіріп, кілттерін алып, қашып кетті, сондықтан автобустар бір сағат бойы шыға алмады. Бұл 6.00-де болды. Шамамен 7.00-де автобустар жұмысқа кешігіп шыға бастады. Қазір барлық автобустар жолға шықты. Біз қосымша жүргізушілерді шақырттық, – дейді ол.