Алматыда дәрігерлер науқастың өт қабынан 5 499 тас алды

Алматыда 40 жастағы науқастың өт қабынан 5 499 тас алынған ерекше операция сәтті өтті. Бұл жағдай – отандық медициналық тәжірибеде сирек кездесетін оқиғалардың бірі.

Науқас ауруханаға ішінің оң жағы ауырып, әлсіздік пен жүрек айну шағымымен түскен. УДЗ зерттеуі арқылы өт қабында көп мөлшерде тас бары анықталып, лапароскопиялық холецистэктомия жасалды.

Операция кезінде дәрігерлер таңқалдырғандай тас саны күткеннен әлдеқайда көп болып шықты. «20 жылдық тәжірибемде мұндайды бірінші рет көріп тұрмын», – деді хирургия бөлімінің бас дәрігерінің орынбасары Фараби Стамқұлов.

Науқас отадан кейін жылдам оңалып, ауруханадан шығарылды. Дәрігерлердің айтуынша, өттегі тастар көбіне симптомсыз дамиды, бірақ асқынған жағдайда ауыр ауруларға алып келуі мүмкін.