Алматыда бұрын-соңды болмаған заманауи камералар орнатылды

Қала көшелеріне орнатылған жаңа бейнебақылау жүйесі жол қозғалысы мен қоғамдық қауіпсіздікті күшейтуге бағытталған. Бұл технология құқықбұзушылықтарға дер кезінде әрекет етіп, алдын алуға мүмкіндік береді.

Қалалық полиция департаментінің хабарлауынша, ішкі істер органдары полиция қызметіне цифрлық шешімдерді белсенді енгізіп жатыр. Интеллектуалды камералар:

– Бір уақытта 8 жолақтағы қозғалысты бақылайды;
– 360 градустық бұрышпен бейнежазба жасайды;
– Көлік нөмірлерін автоматты түрде таниды;
– Адамдардың бет-жүзін анықтай алады.