Алматыда тағы бір банкке шабуыл жасалды
Алдын ала келтірілген деректер бойынша, оқ атылған банк алдында Ресейдің бір азаматы зардап шекті. Белгісіз біреулер оның қолындағы сөмкені тартып алмақ болған.
Алматы қаласында бүгін Марков пен Байтұрсынов көшелерінің арасында Тимирязев көшесінің бойында орналасқан бір банктің бөлімшесінде екі ер адам шабуыл жасаған. Қолында тапаншасы бар белгісіз біреу банктен шыққан азаматтың сөмкесін тартып алмақ болған. Оның сөмкесінде қомақты ақша болған көрінеді.
„Олар бір-біріне жармаса кетті. Аналар ауаға оқ атты, содан соң жігіттің бірінің басынан тапаншамен бір қойды. Мына – асфальттағы қан сонікі. Оны жедел жәрдем көлігі алып кетті„
– дейді Тимирязев көшесінде орналасқан ғимараттардың біріндегі күзетші.
Оқыс оқиға куәгері жәбір көрушінің қолында Ресей елінің төлқұжаты болғанын айтты.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе