Алматыда «арзанға үй, көлік алып беремін» деп елді алдаған емші әйел ұсталды
Алматыда емші әйел өзіне келген адамдарға емнен тыс дүнияуи қызмет ұсынып, ол үшін 100 мың теңге алған.
Алматы қаласы Әуезов ауданының полиция қызметкерлері бірнеше алаяқтыққа қатысы бар емшіні тексеріп жатыр деп хабарлайды қалалық ішкі істер департаментінің баспасөз қызметіне сілтеме жасап, Zakon.kz.
«Ақылова ем жасап, құмалақ ашамын деп адамдарды қабылдаған. Кейбір адамға ол коммерциялық банкте кепілде тұрған пәтер мен көлікті нарықтың бағасынан арзанға алып беруге көмектесе алатынын айтқан. Бұл қызметі үшін әйел 100 мың және одан жоғары соманы сұраған. Ақшаны алып алғанымен ол уәдесін орындауға еш асықпаған.
Ақыры алданғанын түсінген азаматтар полицияға шағымдануға мәжбүр болған. Сотқа дейінгі тергеу тергеу кезінде бұл кісінің басқа да қылмыстарға қатысы бар-жоқтығы анықталып жатыр. Осыған байланысты бұл кісіден зардап шеккен азаматтар болса, мына телефондарға хабарласуды сұраймыз: 298-53-00 және 298-53-01», – дейді Алматы қаласы Әуезов аудандық ішкі істер басқармасы бастығының орынбасары, полиция полковнигі Құмарбек Кеңшінбаев.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе