ҚР Премьер-министрінің бірінші орынбасары Асқар Мамин Алматы-Бішкек жол учаскесін салуды тапсырды.
Асқар Мамин „Алтын Орда„ базары маңынан өтетін Алматы-Бішкек жол учаскесін салуды келесі жылдың сәуір айынан бастауды бұйырды деп хабарлады ҚазАқпарат.
„Алматы-Бішкек жолының 16-19 шақырымы „Алтын Орда„ базары аумағынан өтеді. Бүгін күні бұл арадағы жол 4 жолақтан тұрады. Ал жаңа жол салынғанда бұл трасса 10 жолаққа дейін кеңеймек„ – деді „ҚазАвтоЖол„ компаниясының өкілі Асқар Маминге берген есебінде.
ҚазАвтоЖол келтірген мәлімет бойынша, бұл жобаны аяқтау мерзімі шілде айына белгіленген, құны шамамен 10 млрд теңге, оның 5,5 млрд теңгесі жол жөндеуге кетсе, қалғаны жаяу жүргіншілерге арналған жолақ, белгілер және үш айналма эстакадқа жұмсалмақ.
„Бірінші тоқсанда жобалық-сметалық жұмысты бітіріп, сәуірде іске кірісулерің керек. Бұл – өте өзекті мәселе, жолды 10 жолаққа дейін кеңейту осы арадағы жол қозғалысын реттеуге айтарлықтай көмектеседі„ – деді Асқар мамин.
Асқар Мамин атап өткендей, жол салынатын жер телімдерін сатып алуға 1,8 млрд теңге бөлінген.