Алматыда 14 жастағы қыздың асқазанынан 1,5 келі шаш алынды
Алматыда дәрігерлер жасөспірім қыздың асқазанынан салмағы 1,5 келіге жуық трихобезоар – шаш пен шырыштан тұратын тығыз масса алып шықты. Оқиға Балалар шұғыл медициналық көмек көрсету орталығында болған. 14 жастағы қыз ауыр жағдайда жеткізіліп, іштің қатты ауырсынуы, кебу, әлсіздік және улану белгілері анықталған. Уақытылы медициналық көмек көрсетілмегендіктен, оның іш қуысында перитонит және сұйықтық жиналғаны белгілі болды.
Орталықтың жетекші хирургі Асқар Күлбекұлы Ризвановтың айтуынша, трихобезоар сирек кездесетін және аса қауіпті жағдай. Ол көбінесе психологиялық ауытқуларға байланысты пайда болады. Ота екі кезеңмен жасалып, алдымен лапароскопия, кейін ашық лапаротомия арқылы бөгде зат толық алынды.
Дәрігерлер қыздың өмірін сақтап қалды. Қазір оның жағдайы тұрақты, әрі психологиялық бақылауда. Мамандар ата-аналарға балалардың мінез-құлқы мен денсаулығына мұқият болуды ескертеді.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз