Алматы полициясы апалы-сіңлілі екі әйелді өлтірген жауызды таба алмай жүр

6 желтоқсан 2017, 8:32

Летняя 84 мекенжайындағы үй түн ортасында өртеніп жатқанда көршілері байқап қалыпты. Сол сәтте марқұмдардың күйген мүрделерін өрт ішінен сүйреп алып шыққан. Азапты өлімге душар болған Людмила Тимофеева мен Ольга Суслина туғалы бері осы үйде тұрып келіпті. Көршілерінің айтуынша, ешкімге зияны жоқ, өздерімен өздері күн кешіп жатқан адамдар екен.

Ал күдікке ілінген азамат көрші үйдің бейнебақылау камерасына түсіп қалыпты. Қазір ішкі істер органдары 1983 жылдың тумасы Замандин Палтуевті жер-көктен іздеп жатыр.

Бірақ әлі нәтиже жоқ.

“Бақылау камерасына оның қанға боялып шығып келе жатқаны түсіп қалған. Ол менің күйеуімнің бұрынғы сыныптасы болып шықты. Бұрын ондайын байқамап едік. Енді осындағы көрші-қолаң болып тағдырымызға алаңдап отырмыз. Ал оны әлі таппай жатыр”, – дейді марқұмдардың туысы Мила Журавлева.