Алматы облысында бірнеше ауылды су басты
Алматы облысында толассыз жауған жаңбыр салдарынан бірнеше ауылды су басты. Оның ішінде Шамалған, Қарасу, Дружба ауылдары бар. Бұл туралы өңірлік Төтенше жағдайлар жөніндегі департаментінің ресми өкілі Азамат Жұртбаев мәлім етті.
Шамалғанның Ақжазық және Ақсу көшелеріндегі 10 үйді су басқан. Бұл туралы 16 мамырдың 20:33 уақытында „Құтқару қызметіне„ қоңырау келіп түскен. Жергілікті атқарушы органның жұмылдыруымен 10 адам және 1 техника суды сору жұмыстарын жүргізген. Зардап шеккендер мен кісі өлімі тіркелмеген.
Іле ауданына қарасты „Дружба„ бау-бақша қауымдастығында 4 ауланы су басқан. Қазір мұнда да жағдай реттелген.
Түнде Қарасу ауылында 40 ауланың су басқаны белгілі болды. Оған жергілікті атқарушы билік 10 адам, 2 техника, сол секілді төтенше жағдайлар мекемесінен 12 адам, тағы 2 техника жұмылдырған.
Алдында ауа-райының қолайсыздығынан Шамалған тұрғындары көшеге шыға алмай отырғандарын айтып, шағымданған еді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз