Алматы облысында бір келіншек бір табын сиырды улап, өлтірді деп айыпталды
Алматы облысында бір табын сиырдың улануы туралы қылмыстық іс қозғалды.
Бұл іске қатысты ауылдағы 52 жастағы келіншекке күдік келтірілген деп хабарлайды Sputnik Қазақстан.
7 сәуір күні Панфилов ауданы полицейлеріне Қоңырөлең ауылы тұрғыны хабарласып, малдың жаппай қырылғандығы туралы жеткізді. Ауыл тұрғыны арызында көрсеткендей, екі апта ішінде белгісіз себептерден 12 сиыры өлген. Ірі қара малының жаппай қырылуына ер адам туысқан әйелді айыптады.
Оның айтуынша, әйел адам табынды белгісіз затпен улапты-мыс. Істің мән-жайын анықтау барысында белгілі болғандай, өзара мүлік бөлісу кезінде арыз беруші мен күдіктінің арасында кикілжің туындап, тіпті ұзақ уақыт бойы соттасқан көрінеді. Қалай дегенмен де аудандық полицияға түскен өтініш бойынша тергеу басталды. Тиісті сараптамалар тағайындалып, соның нәтижесі бойынша процестік шешім шығарылады.
Ауыл тұрғыны материалдық шығынын 2,5 миллион теңге шамасында деп есептеп отыр.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз