Нұр-Сұлтан
Қазір
5
Ертең
-2
USD
449
-1.43
EUR
484
-3.48
RUB
4.86
0.00

Алматы облысында 500 адам жұмыс істейтін ірі зауыт іске қосылмақ

Кездесу барысында инвесторлар жобаның жүзеге асырылу барысы, жергілікті атқарушы органмен бірлесіп шешуге тиіс бірқатар мәселелер туралы баяндады.

«Маревен Фуд Холдингс» холдингінің атқарушы директоры Мишель Чангтың айтуынша, қазіргі кезде зауыттың өндірістік және инженерлік кешені дайын, ішкі инженерлік коммуникациясы толығымен жүргізілген. Қажетті құрал-жабдықтар сатып алынып, қоймада сақтаулы. 1-тестілік желі сәуір айында іске қосылып, алғашқы өнім шығарылады. Зауыт нарыққа кәсіпорын іске толық қосылғаннан кейін шықпақ. Зауыттың маусым айының соңында ашылады деп жоспарланған.

Кездесуде айтылғандай, 2018 жылға 24 млрд теңге болатын сатылым көлемі белгіленіп отыр. Зауыт тез пісетін кеспе, сорпа дәмдеуіштері, макарондар – жалпы саны 15 түрлі өнім шығаратын болады. Дайын өнімнің 70 пайызы көршілес бес еліне. Өндіріс барысында 5 өнім – ұн, тұз, картон және басқа да қазақстандық өнімдер қолданылады. Кәсіпорын 500 адамды тұрақты жұмыс орнымен қамтиды, оның 90 пайызын жергілікті тұрғындар құрайды. Инвесторлар зауытқа кіре беріске дейін жол төсеу, темір жолға шығатын мүмкіндік жасау қажеттіліктерін айтты.

Облыс әкімі Амандық Баталов бұл мәселелерді шешуді бақылауына алатынын жеткізді. Облыс әкімінің орынбасары Жеңіс Тұяқовтың айтуынша, қиыршық тас-құм төселетін жолдың құрылысы наурызда аяқталса, ауа райының қолайлылығына қарай сәуір-мамыр айларында асфальт төселетін болады. Темір жол мәселесі де жыл соңына дейін шешімін таппақ. Зауыт Қапшағай қаласындағы газ желісіне қосылады.

«Біздің облыстың аумағында осындай ірі инвестициялық жобаның жүзеге асырылып жатқанына қуаныштымын. Бұл кәсіпорын өз кезегінде облыстың азық-түлік өндірісіне өзінің үлкен үлесін қосатын болады. Ең бастысы, зауыт 500 тұрақты жұмыс орнын құрай отырып, жергілікті тұрғындарды жұмыспен қамтиды. Оған қоса өнім өзіміздің отандық ұннан дайындалып, дайын өнім «Қазақстанда жасалған» деген белгімен экспортқа шығарылатын болады», – деді кездесуді қорытындылаған облыс әкімі А. Баталов.

Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз